Sulmuesi i Përfaqësuesës së Kosovës, Atdhe Nuhiu, ia ka siguruar fitoren skuadrës së Shefield Wednesday, me dy golat e tij.

Shefield Wednesday arriti një fitore historike ndaj Leeds United, duke fituar për herë të parë pas 11 vitesh, me ndihmën e sulmuesit kosovar, i cili golin e dytë e shënoi në minutat e fundi të ndeshjes.

Po ashtu, me këtë fitore Shefield ndalë serinë negative prej pesë humbjeve dhe dy barazime radhazi në Championship.

28 vjeçari golin e parë e realizoi në minutën e 72-të, për t’ia dhuruar epërsinë skuadrës së tij, por vetëm katër minuta më pas, Leeds, shënoi për ta barazuar rezultatin.

Kur të gjithë menduan se takimi do të përfundonte me rezultatin e barabartë, kështu nuk mendoi edhe reprezentuesi kosovar.

Nuhiu shënoi golin e tij të dytë personal në minutën e 91-të, për t’i siguruar tre pikët e plota.

Me këtë fitore, Wednesday renditet në pozitën e 17-të me 41 pikë. /arbresh.info/